Elordada sapasyz memlekettik qyzmetke Telegram-chat arqyly shaǵymdanýǵa bolady

Astana qalalyq kólik jáne jol-kólik ınfraqurylymyn damytý basqarmasynyń málimetinshe, elordada memlekettik qyzmet kórsetý máseleleri boıynsha suraqtar men ótinishterge jedel kómek kórsetetin Telegram-chat ashyldy.

«Osy chatta Astana qalasy ákimdigi men basqarmalarynyń, ortalyq memlekettik organdardyń astanalyq departamentteri men ınspektsııalary, «Azamattarǵa arnalǵan úkimet» MK KEAQ fılıaly men HQK bólimderiniń, «Memlekettik áleýmettik saqtandyrý qory» AQ fılıalynyń, «UAT» AQ-nyń ókilderi bar. Bul chat arqyly memlekettik qyzmet kórsetý máseleleri boıynsha suraqtar men ótinishterge jedel kómek alýǵa bolady», - delingen basqarmanyń Instagram paraqshasynda jarııalanǵan aqparatta.