Elordada sanıtarlyq normalardy saqtamaǵan 100 nysan jabyldy

NUR-SULTAN. QazAqparat - Ákimdiktiń mobıldi toby polıtseılermen jáne epıdemıologtarmen birlesip, kúndelikti kásiporyndardaǵy sanıtarlyq normalardyń saqtalýyn qadaǵalaıtyn reıd júrgizedi. Bul jóninde qala ákimdiginiń resmı saıtyna silteme jasap QazAqparat habarlaıdy.

Reıd barysynda qonaq úıler, bazarlar, meıramhanalar men dámhanalar jáne basqa da kópshilik oryndar tekserildi.

«Búgingi tańda biz elordalyq bas sanıtar dáriger qaýlysynyń saqtalýyna monıtorıng júrgizýdemiz. Osy ýaqyt aralyǵynda Saryarqa aýdanyndaǵy 300 nysanǵa monıtorıng júrgizildi. Onyń ishinde 100 nysanda sanıtarlyq sharalar saqtamaǵan. Nysandar bul olqylyqty túzetkenge deıin jabyldy. Kásipkerlerge túsindirý júrgizildi. Nysandar sannormalardy qatań saqtaýǵa mindetti: kire beriste sanıtaızerler (antıseptık) bolýy tıis, qyzmetkerler men klıentter betperde kııýi kerek. Sondaı-aq ústel arasyndaǵy 2 metr qashyqtyqty saqtaýdy qamtamasyz etý mańyzdy. Kelýshiler maska taǵyp júrýi qajet»,-dep atap ótti Saryarqa aýdandyq taýarlar men kórsetiletin qyzmetterdiń sapasy men qaýipsizdigin baqylaý departamenti sanıtarlyq-gıgıenalyq qadaǵalaý bólimi basshysynyń mindetin atqarýshy Damıra Nuran.

Eger kelýshi joǵaryda atalǵan erejelerdiń saqtamalmaǵanyn baıqasa, 109 nómirine habarlasýǵa nemese taýarlar men kórsetiletin qyzmetterdiń sapasy men qaýipsizdigin baqylaý basqarmasynyń kez kelgen bólimshesine shaǵymdana alady.

«Barlyq jaýapkershilikti sezinip, sannormalardy saqtaıtyn azamattar bar. Alaıda, ony elemeıtinder de kezdesedi. Biz jetkilikti mólsherde antıseptık satyp aldyq. Kire beriste qonaqtar men qyzmetkerler qolyn óńdeı alady. Barlyq jerde jeldetý júıesi qondyrylǵan. Barlyq qural-jabdyqtar, onyń ishinde ústelder men oryndyqtar arnaıy suıyqtyqpen óńdeledi», - deıdi «Izbýshka» ashanasynyń ákimshisi Gúljaýhar Bıǵalıeva.

Kásipkerler sanıtarlyq normalardy qatań saqtaýy tıis, óıtkeni indetti juqtyrý qaýpi áli de saqtalady. Sanıtarlyq normalar saqtalmaǵan jaǵdaıda, nysandar óz jumysyn toqtatady.