Elordada sanıtarııalyq talaptardy buzǵan zańsyz et tsehynyń qyzmeti toqtatyldy
ASTANA. KAZINFORM – Elordada naýryzdyń 3 men 5 aralyǵynda mal men et ónimderiniń zańsyz aınalymyn anyqtaýǵa jáne jolyn kesýge baǵyttalǵan «Mal urlyǵy» jedel-profılaktıkalyq is-sharasy ótip jatyr. Atalmysh reıd barysynda polıtsııa qyzmetkerleri jasyryn jumys istep kelgen zańsyz et tsehynyń qyzmetin áshkerelep, toqtatty.
Aımaýytov kóshesindegi jeke sektorda zańsyz et óndirisi anyqtaldy. Tseh sanıtarııalyq talaptardy saqtamaı, qujatsyz jáne veterınarııalyq-sanıtarııalyq baqylaýdan ótpeı jumys istegen.
Tekserý kezinde et ónimderin óńdeý, saqtaý jáne satý zańsyz júzege asyrylǵany belgili boldy. Daıyn ónim elordadaǵy naryqtarǵa shyǵarylǵan. Tárkilengen zattardyń quramynda 4 jylqynyń tutas eti, 13 iri qara maldyń tutas eti, sondaı-aq et qaldyqtary men bólshekteýge arnalǵan qural-jabdyqtar bar.
Zańsyz tsehty uıymdastyrdy degen kúdikpen 64 jáne 55 jastaǵy eki er adam ustaldy. Qazirgi ýaqytta osy is boıynsha tergeý jumystary júrgizilip jatyr. Tekserý nátıjesine sáıkes zańnamaǵa saı sharalar qabyldanady.
Polıtsııa belgilenbegen jerlerden jáne senimsiz satýshylardan et ónimderin satyp alýdyń densaýlyqqa qaýip tóndirýi múmkin ekenin eskertedi. Turǵyndardan zańsyz saýda týraly aqparatty quqyq qorǵaý organdaryna habarlaýdy suraıdy.
Osyǵan deıin Petropavlda óndiristik tsehte shyqqan órt robottyń kómegimen sóndirilgenin habarlaǵanbyz.
