Elordada sán salondaryna tek shashtaraz qyzmetin kórsetýge ruqsat etiledi
«Qazirgi karantın jaǵdaıynda kósheler men qoǵamdyq oryndardyń, saıabaqtardyń bári de aldyn alý maqsatynda dezınfektsııalanady. Saıabaqtar qazir ashyldy. Onda úsh adamnan artyq júrmeýge keńes beremiz. Al otbasymen bolsa júrýge bolady. Adamdar 1-2 metr qashyqtyqty saqtap júrýi kerek. Sondyqtan saıabaqta kisi kóp bolsa, mindetti túrde maska kııý kerek. Siz óz densaýlyǵyńyzdy saqtaý úshin osy talaptardy saqtaýǵa mindettisiz. Saıabaqta jalǵyz ózińiz júrseńiz kımeýge bolady», - dedi qalalyq taýarlar men kórsetiletin qyzmetterdiń sapasy men qaýipsizdigin baqylaý departamentiniń tehnıkalyq reglamentterdi baqylaý bólimniń basshysy Qarlyǵash Ábdisheva qala ákimdiginiń Facebook paraqshasynda ótken onlaın rejımdegi baspasóz máslıhatynda.
Onyń aıtýynsha, qaladaǵy iri oıyn-saýyq jáne saýda ortalyqtary áli ashylmaǵan.
«Qazir ondaǵy tek azyq-túlik satatyn sýpermarketter men dárihanalar jumys istep tur. Osy ekeýinen basqa saýda núkteleri jumysyn bastamaýy kerek. Sán salondarynyń tek shashtaraz qyzmetteri ǵana jumys isteıdi. Kosmetıkalyq, manıkıýr nemese pedıkıýr qyzmetterin kórsetýge tyıym salynady. Shashtaraz qyzmeti tek maska kıip kórsetilýi tıis. Klıentke de, sheberge de osy talap ortaq. Kezek bolmaýy tıis. Aldyn ala jazylyp qana jumys júrgizýge bolady», - dedi ol.