Elordada «San qyrly sımvolızm» kórmesi ashyldy
NUR-SULTAN. QazAqparat - Elordadaǵy QR Ulttyq mýzeıinde «San qyrly sımvolızm» atty toptyq kórme ashyldy, dep habarlaıdy QazAqparat tilshisi.
Týyndylardyń avtorlary: Qazaqstannyń tanymal sýretshileri, QR Sýretshiler odaǵynyń músheleri — Sembiǵalı Smaǵulov, Serjan Bashırov, Zeınalhan Muhamedjan, Eraly Ospanov, Sadyr Káribaı jáne Orazbek Esenbaevtar.
«Búgingi ótip jatqan sharanyń mańyzdylyǵyn ózderińiz bilesizder. Elimizdegi aldyńǵy qatarly óner sheberleri óz týyndylaryn sizderge pash etkeli otyr. Qazirgi ýaqytta Qazaqstan óneri dúnıe júzine keńinen tanymal ekenin maqtanyshpen aıtamyz. Ár ulttyń maqtanyshy - ónerdegi, sporttaǵy, qoǵamdaǵy jetistigi. Ulttyq mýzeı qazirgi ýaqyttaǵy sýret, qolóner salasyndaǵy kórmeni shetelde uıymdastyrýǵa atsalysyp júr», - deıdi QR Ulttyq mýzeı dırektory Arystanbek Muhamedıuly.
Sondaı-aq, QR Sýretshiler odaǵynyń múshesi Zeınelhan Muhamedjan atalǵan kórmeni uıymdastyrý 4-5 jyl buryn josparlanǵan joba bolǵanyn aıtty.
«Kórmeniń osy Ulttyq mýzeıde ótip jatýy biz úshin úlken mártebe. Osyndaı múmkindik bergen Arystan Muhamedıulyna rahmet. Sizderge kishkentaı bolsyn rýhanı azyq syılasaq, qýanamyz», - deıdi ol.
Atalǵan kórme 28 aqpanǵa deıin jalǵasady.
