Elordada salynyp jatqan turǵyn úıden shyqqan órt kezinde 2 jumysshy zardap shekti
ASTANA. QazAqparat – Búgin elordada jańadan salynyp jatqan turǵyn úıden shyqqan órt kezinde 2 jumysshy zardap shekti, dep habarlaıdy QazAqparat tilshisi.
«Elordada jańadan salynyp jatqan turǵyn úıden shyqqan órt saldarynan atalǵan nysannyń eki jumysshysy zardap shekti. Oqıǵa ornynda «103» brıgadasy zardap shegýshilerdi qarady. Zardap shekkenderdiń biri 1991 jyly dúnıege kelgen azamattyń qolynyń 2 paıyzyn, al 1992 jyly dúnıege kelgen ekinshi jumysshynyń betiniń 1 paıyzyn kúıik shalǵan. Zardap shegýshiler dárigerler qaraǵannan keıin aýrýhanaǵa barýdan bas tartty», - dep málim etti Astana qalalyq tótenshe jaǵdaılar departamentinen.
Esterińizge sala ketsek, elordada salynyp jatqan nysandardyń biriniń aýmaǵynda órt shyqqan bolatyn.
