Elordada salynyp jatqan shaǵyn aınalma jol kólik keptelisin azaıtpaq
ASTANA. QazAqparat - Astanada jyl saıyn kólikter sany artyp keledi. Ústimizdegi jyldyń shilde aıyndaǵy jaǵdaı boıynsha qalada 272 myń kólik tirkelgen. Qala kóshelerinde júkteme men keptelister artqany baıqalady.
Astanada osy máseleni sheshý úshin shaǵyn aınalma jol salynyp jatyr. Onyń quramyna 4 kólik jolaıryq, 2 kópir men 3 jol ótpesi keredi. Astana qalasynyń Jolaýshylar kóligi jáne avtomobıl joldary basqarmasynyń habarlaýynsha, shaǵyn aınalma jol №14 (Qoshkarbaev), Aqjol, Beısekova, Saraıshyq jáne Syǵanaq kósheleri arqyly ótedi. Ony jalpy uzyndyǵy - 35 shaqyrym. Qazirgi kezde joldyń 22 shaqyrym bóliginde kólik qozǵalysy qamtamasyz etildi. Esil ózeni arqyly Beısekov kóshesindegi kópirdegi jol ashyldy, bul Turan jáne Saryarqa dańǵyldary boıynsha kólik júktemesin 40% azaıtýǵa múmkindik berdi. Bıyl №14 kóshede, Abylaı han dańǵylynda, Beısekov kóshesi men Tilendıev dańǵylynda qozǵalys qalpyna keltirildi. Jalpy alǵanda, shaǵyn aınalma joly atalǵan magıstraldardan basqa, Bógenbaı batyr, Abylaı han, Qudaıberdiuly, Jeńis, Momyshuly dańǵyldary men Qorǵaljyn tas jolynda kólik aǵynyn azaıtýǵa múmkindik beredi, dep habarlanǵan elorda ákimdiginiń resmı saıtynda.
