Elordada sal aýrýynan em-dom alǵan balanyń tusaýy kesildi (FOTO)
ASTANA. QazAqparat - «Qasıetti jol» saýyqtyrý ortalyǵynda uzaq ýaqyt emdelgennen keıin óziniń alǵashqy qadamdaryn jasaǵan Janarys Qapan esimdi balanyń «Tusaý keser» ulttyq rásimi ótti.
Balanyń tusaýyn elordanyń densaýlyq saqtaý basqarmasy basshysynyń orynbasary Qanat Ahmetov kesti. Osy shara barysynda ortalyq mamandary jańa avtorlyq ádisnamalarmen ońaltýdan ótken balalardyń jetistikterimen tanystyrdy.
Eki jyldyq jumys barasynda ortalyqta elimizdiń barlyq óńirlerinen balalar tserebraldy sal aýrýy dıagnozymen 490-nan astam bala emdeldi. Qazirgi zamanǵy ońaltý ádisteri joǵary nátıjelerge qol jetkizýge múmkindik berdi. Bul rette 49 bala moınyn tik ustaýǵa, 40-tan astam bala oryndyqqa otyrýǵa, 70 bala eńbekteýge, 30-dan astam bala aıaǵymen júrýge mashyqtandy.
Aıta keteıik, «Qasıetti jol» qoǵamdyq qory balalarǵa qaıyrymdylyq kómek kórsetý maqsatynda 2009 jyly quryldy. «Nur Otan» partııasynyń qatysýymen jáne «Samuryq-Qazyna» qorynyń qarjylyq qoldaýymen «Ult bolashaǵy» jobasy júzege asyrylýda. Osy joba aıasynda 2014 jyldyń naýryzynda ońaltý ortalyǵy ashylǵan bolatyn.
