Elordada saqtar jaıly tarıhı fılmniń túsirilimine daıyndyq bastaldy
ASTANA. QazAqparat - Elordada saqtar jaıly tarıhı fılmniń túsirilimine daıyndyq bastaldy. Bul týraly búgin «Namys prodakshn» kompanııasynyń atqarýshy dırektory Talǵat Nysanbaev málim etti.
«Bul Qazaqstan kınematografııasyndaǵy eń aldymen álemdik prokatqa baǵyttalǵan tuńǵysh joba bolmaq. Aıta keterligi, buǵan deıin saqtarǵa qatysty týyndylar ekranǵa shyqpaǵan. Olardyń baı mádenı murasy, tarıhy buǵan deıin esh ýaqytta kórkem fılm retinde kórsetilmegen», - dedi kompanııa basshysy.
Onyń sózine qaraǵanda, bul joba qazaqstandyq kınematografııanyń deńgeıin eýropalyq kıno deńgeıine deıin kóterýi tıis. Aıta keterligi, fılm jas býyndy otansúıgishtikke baýlıtyn bolady. Óıtkeni, saqtardyń qazaqtyń arǵy ata-babasy ekendigi belgili.
