Elordada sabaqtyń bolmaýy oqýshylardyń demalysyna áser etpeıdi - ákimdik
ASTANA. QazAqparat - Astanada aýa raıynyń qolaısyzdyǵyna baılanysty bir apta sabaqtyń bolmaýy demalys kúnderine áser etpeıdi, dep habarlaıdy QazAqparat qala ákimdigine silteme jasap.
Bilim basqarmasynyń málimetinshe, demalys kórsetilgen merzimde ótedi. Odan basqa, mekteptegi oqý baǵdarlamasynan qalyp ketken tustarǵa qatysty birqatar shara jasalynǵan.
«Atalǵan is-sharada bilim standartyn tolyq kólemde oryndaý úshin qosymsha saǵattar paıdalanylady, bilimdi jınaqtastyryp, qaıtalaý úshin, oqýshylardyń jeke konsýltatsııa alýy (ásirese 9-11 synyptyń túlekteri úshin) uıymdastyrylǵan jáne oqý materıaly modýldik, blok túrinde de berilý qarastyrylǵan», - delingen habarlamada.
Esterińizge sala keteıik, ótken aptada qala mektepterinde sabaqtar keıinge qaldyrylǵan bolatyn. Oqý baǵdarlamasyn tolyq kólemde oryndaý Astana bilim basqarmasynyń baqylaýynda tur.
Eske sala ketsek, ótken aptada elordada qatty aıaz bolyp, sonyń saldarynan bilim mekemelerinde sabaq ótkizilmedi
