Elordada sabaqtardyń ótkizilmeıtinin qaıdan bilýge bolady
NUR-SULTAN. QazAqparat – Qolaısyz aýa raıyna baılanysty sabaqtar bolmaıtyny jóninde aqparatty Nur-Sultan qalasy ákimdigi men Bilim basqarmasynyń resmı derekkózderi taratady, dep habarlaıdy QazAqparat.
«Qazirgi aýa raıynyń jaǵdaıyn eskere otyryp, sabaqtar bolmaıtyn jaǵdaıda aqparat Nur-Sultan qalasy ákimdigi men Bilim basqarmasynyń resmı derekkózderi arqyly taratylatynyn eske salamyz», delingen basqarmanyń saıtynda.
Ata-analarǵa aýa-raıy týraly derekterdi anyqtaý maqsatynda ınternet-qosymshalar men basqa da rastalmaǵan derekkózderdi paıdalaný usynylmaıdy.
Aqparat tómendegi derekkózder arqyly taratylady: 1) Nur-Sultan qalasy Tótenshe jaǵdaılar departamenti qyzmetinen kelip túsken SMS habarlama; 2) iKOMEK109 qalalyq ortalyǵy (109 nómirine qońyraý soǵý, nemese mobıldi qosymsha men chattaryna tirkelip, habarlama alý); 3) Qalalyq Bilim basqarmasynyń resmı saıty. 4) Nur-Sultan qalasy Bilim basqarmasynyń resmı Facebook-tegi paraqshasy. 5) Nur-Sultan qalasy ákimdiginiń resmı saıty . 6) Smart Astana qosymshasy (mobıldi qosymshasyna tirkelip, habarlama alý).
