Elordada Rım Papasy ótkizetin messa rásimine qyzý daıyndyq júrip jatyr

NUR-SULTAN. QazAqparat – 13 qyrkúıek kúni keshke elordada eldegi barlyq katolıkterge arnalǵan aýqymdy sharaǵa sońǵy daıyndyq jumystary júrip jatyr. Erteń osynda Rım Papasy Frantsısk messa rásimin ótkizedi, dep habarlaıdy QazAqparat tilshisi.

«QazAqparat» redaktsııasy oqyrmanǵa is-shara ótetin jerden reportaj usynady. Qazirdiń ózinde aýmaq tolyǵymen qorshalyp, messa rásimin ótkizýge daıyndalyp qoıǵan.

Katolıkterge arnalǵan qasıetti rásim úshin arnaıy sahna uıymdastyryldy. Onyń aldyna tsellofanmen jabylǵan yńǵaıly oryndyqtar qoıylǵan.

Sahnanyń ózinde orkestr repetıtsııa jasap jatyr, quramynyń kópshiligi kórshi Novosibirden kelgen.

Qala ákimdigi baspasóz qyzmetiniń málimetinshe, jaqyn jatqan kóshelerde kólik qozǵalysy shektelmeıdi.

Biraq sol mańda 3-5 mınýt kóleminde ǵana shekteý qoıylady.