Elordada respýblıkanyń basqa óńirlerimen salystyrǵanda onkologııalyq aýrýǵa shaldyqqandar qatary tómen
ASTANA. QazAqparat - Elordada respýblıkanyń basqa óńirlerimen salystyrǵanda onkologııalyq aýrýǵa shaldyqqandar qatary tómen. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Astana qalasynyń bas onkology, qalalyq onkologııalyq dıspanserdiń bas dárigeri Muhtar Tileýtaev málim etti.
Onyń atap ótýinshe, elordada onkologııalyq aýrýǵa shaldyqqandardyń, odan keletin ólim-jitim qatary respýblıkanyń basqa óńirlerimen salystyrǵanda birshama tómen.
«Óıtkeni, Astana - halqy jas qala. Al obyr, qaterli isik jasy úlken adamdarǵa tán. Sondyqtan elimizde jasalyp jatqan skrınıng baǵdarlamalary obyrdyń bastapqy kezeńinde anyqtap, oǵan qarsy em-sharalar qoldanýǵa múmkindik beredi», - dedi ol.
Onyń aıtýynsha, sońǵy jyldary elimizde onkologııalyq aýrýǵa shaldyqqandardyń ortasha jasy 60-65 jastan asqandardy qurap otyr.
