Elordada respýblıkalyq patrıottar forýmy ótti

NUR-SULTAN. QazAqparat - Elordada QR Ulttyq mýzeıi zalynda dástúrli patrıottar forýmyna elimizdiń barlyq óńirinen 200 delegat qatysty, dep habarlaıdy QazAqparat tilshisi.

«Búgingi forým qazaqstandyqtardyń Otanǵa degen súıispenshiligin arttyrady. Osy jerde bas qosqan azamattardy elimizdiń betke ustar tulǵalary dep bilemin, sebebi el aldyndaǵy boryshtaryńyzdy óz eńbekterińizben dáleldep otyrsyzdar. Búgingi forým sizderde basqa da ıgi bastamalarǵa jeteleıdi degen oıdamyn», - dedi QR Mádenıet jáne sport vıtse-mınıstri Nurǵısa Dáýeshov.

Forým jumysy aıasynda qyzmettik boryshyn adal atqaryp, óz salasynda jemisti eńbekterimen, qol jetkizgen jetistikterimen, Otan aldyndaǵy eren erligimen daralanǵan azamattar marapattaldy.