Elordada Reseı azamatynan denge bezgegi anyqtaldy - Bas sanıtarııalyq dáriger
ASTANA. QazAqparat – Reseı Federatsııasynyń azamatynan ózge elden juqtyrǵan denge bezgegi anyqtaldy. BAQ ókilderiniń qatysýymen ótken brıfıngide Astana qalasynyń bas memlekettik sanıtarııalyq dárigeri Sarhat Beısenova osylaı málimdedi, dep habarlaıdy QazAqparat tilshisi.
«Júrgizilip jatqan jumystarǵa qaramastan 8 ınfektsııa boıynsha syrqattanýshylyqtyń ósýi baıqalady. Olar: salmonellez - 23%, vırýstyq gepatıt A - 22%, jiti ishek ınfektsııasy - 8%, tumaý 20 ese, JRVI 4 ese, bakterııalyq menıngıt – 2 ese, qyzylsha 7 jáne dızenterııa 4 jaǵdaıǵa ósti. Sondaı-aq, Reseı Federatsııasynyń azamatynda ózge elden juqtyrǵan denge bezgeginiń jaǵdaıy tirkeldi», - dep toqtaldy ol.
Sarhat Beısenovanyń aıtýynsha, koronavırýstyq ınfektsııa boıynsha epıdemıologııalyq jaǵdaıdy baǵalaý matrıtsasyna sáıkes, Astana qalasy ótken jyldan beri jasyl aımaqta tur.
Syrqattanýshylyq kórsetkishi byltyrmen salystyrǵanda 52,7 esege tómendedi. Qazir táýligine 5-15 jaǵdaı tirkeledi.
