Elordada Ramazan aıynda túnde avtobýstar qatynaıdy

NUR-SULTAN. QazAqparat – 2 sáýirden bastap elordada Ramazan aıyna oraı musylmandarǵa arnaıy tegin baǵdarlar usynylady, dep habarlaıdy QazAqparat tilshisi.

CTS kompanııasynyń málimetinshe, jamaǵatqa yńǵaıly bolý úshin baǵdarlar taraýyq namazy aıaqtalǵannan keıin qala meshitterinen birneshe baǵytta júredi.

«Áziret Sultan» meshitinen júretin baǵdarlardyń baǵyty:

- «Spýtnık» sýpermarketi;

- TJ vokzaly;

- «Kóktal-1,2» TA.

«Ábý Nasyr ál-Farabı» meshitinen júretin baǵdarlardyń baǵyty:

- «Kóktal-1,2» TA;

- TJ vokzaly;

- Medıtsınalyq kolledj

«Sádýaqas qajy Gılmanı» meshitinen júretin baǵdarlardyń baǵyty:

- «Kóktal-1,2» TA;

- «Kırpıchnyı» TA.

«Yryskeldi qajy» meshitinen júretin baǵdardyń baǵyty:

- «Ilınka» TA.

«Raqymqyzy Raısa ana» meshitinen júretin baǵdardyń baǵyty:

- «Rahmet» SO.

Arnaıy baǵdarlardyń qozǵalys syzbasymen sýretten qarap tanys bola alasyzdar.

Barshańyzdy kúlli musylman qaýymy úshin qasıetti Ramazan aıynyń bastalýymen quttyqtaımyz!