Elordada iri utystar týraly habarlaıtyn alaıaqtyq call-ortalyǵy joıyldy

ASTANA. KAZINFORM - Іshki ister mınıstrligi alaıaqtyq shemalardy uıymdastyrýshylar men oǵan qatysýshylardy anyqtaý jáne jolyn kesý boıynsha is-sharalar keshenin jalǵastyryp jatyr. Bul týraly Polisia.kz habarlady. 

Kıberqylmysqa qarsy is-qımyl bólinisiniń qyzmetkerleri elordalyq bıznes-ortalyqtardyń birinde alaıaqtyq sall-ortalyqty joıdy. Qaskóıler ózderin «Tehnosmart», «Baızon», «Like me shop» ınternet-dúkenderiniń qyzmetkerleri retinde tanystyryp, kólikter men páterler sııaqty utystar týraly habarlap, olarǵa salyq tóleý qajetti týraly aıtqan.

Jedel is-sharalardy ótkizý kezinde keńseniń alty qyzmetkeri ustaldy. Olardyń barlyǵy Qazaqstan Respýblıkasynyń azamattary. Jeti noýtbýk, marshrýtızator, wi-Fi roýter tárkilendi.

Sonymen qatar Jetisý oblysynda polıtseıler UQK qyzmetkerlerimen birlesip, ınternet-alaıaqtyq jasaý úshin sim-box qurylǵysyn paıdalaný faktisin anyqtady. Tintý barysynda 96 sloty bar jeti sim-box qurylǵysy, qazaqstandyq uıaly operatorlardyń 50 myńnan astam sim-kartasy, jeti uıaly telefon, eki noýtbýk, sondaı-aq qańtar oqıǵasy kezinde urlanǵan dep boljanǵan IJ-53 markaly eki pnevmatıkalyq tapanshasy jáne tórt armııalyq kaska tárkilendi. Bul faktiler boıynsha sotqa deıingi tergeý bastaldy.

Bıyl kıberqylmysqa qarsy is-qımyl bólinisteriniń qyzmetkerleri barlyǵy 64 sim-box qurylǵysyn anyqtap, otandyq uıaly operatorlardyń 90 myńǵa jýyq sim-kartasyn tárkiledi. 

Eske sala keteıik, buǵan deıin Pavlodarda veterınarııa basqarmasynyń burynǵy basshysy sottalǵanyn jazǵan edik.