Elordada Pýshkın kóshesindegi ýchaske ýaqytsha jabylady
NUR-SULTAN. QazAqparat – Elordalyq Kólik jáne jol-kólik ınfraqurylymyn damytý basqarmasy» MM Nur-Sultan qalasy PD ákimshilik polıtsııa basqarmasymen birlesip Pýshkın kóshesinde jol jóndeý jumystaryn bastady, dep habarlaıdy QazAqparat qala ákimdiginiń resmı saıtyna silteme jasap.
Jóndeý jumystaryna baılanysty osy jyldyń 19 mamyry saǵat 13:00-den 20 mamyr saǵat 06:00-ge deıin Kenesary kóshesinen Abaı dańǵylyna deıingi Pýshkın kóshesi avtokólik qozǵalysy úshin jabylatyn bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», — delingen basqarma habarlamasynda.
