Elordada psıho-nevrologııalyq dıspanserden qashqan er adam izdestirilip jatyr
NUR-SULTAN. QazAqparat – Elorda polıtseıleri psıho-nevrologııalyq dıspanserden qashyp ketken kúdiktini izdestirip jatyr, dep habarlaıdy QazAqparat tilshisi.
«9 qazan kúni saǵat 12.22 shamasynda Jansúgirov kóshesi boıyndaǵy psıho-nevrologııalyq dıspanserden QR Qylmystyq kodeksiniń 120-baby (zorlaý) boıynsha aıyptalǵan er adam qashty. Tergeý boıynsha ustalǵan er adamdy izdeýge qalalyq Polıtsııa departamentiniń jeke quramy jumyldyryldy», - delingen departamenttiń habarlamasynda.
Quqyq qorǵaýshylar kúdiktini kórgen adamdar bolsa 71-60-10, nemese 8(7172) 71-60-07, 71-60-29, 71-60-22, 71-63-29, 87018808070, 87789508176 nómirlerine habarlasýdy suraıdy.
Qashyp júrgen er adamnyń boıy 175-180 sm shamasynda. Shashy qara, qysqa qıylǵan. Kózi qara. Qara kúrteshe kıgen. Ústine «Italiy» jazýy bar «tolstovka» bar. Basyna qara tústi sporttyq bas kıim, butyna qarakók trıko, aıaǵyna qara týflı kıgen.
