Elordada profılaktıkalyq shara barysynda 64 mıgrant elden qýyldy

NUR-SULTAN. QazAqpart – Elordada 7-16 maýsym aralyǵynda Nur-Sultan qalasynyń polıtseıleri jedel aldyn alý sharasyn júrgizedi, dep habarlaıdy QazAqparat Nur-Sultan qalasynyń Polıtsııa deparatmentiniń baspasóz qyzmetine silteme jasap.

Qala aýmaǵynda polıtsııa jasaqtary kúsheıtildi, zańsyz mıgranttar men ishki ister organdarynda ýaqytyly tirkelmegen tártip buzýshylardy anyqtaý maqsatynda reıdter júrgizilip jatyr.

Kóshi-qon qyzmeti jedel aldyn alý sharasy bastalǵannan beri Qazaqstan Respýblıkasynda bolý erejelerin buzǵany úshin 1400-ge jýyq sheteldikti jaýapqa tartty. Sheteldikter men azamattyǵy joq tulǵalardy qabyldaıtyn QR 274 azamatty elde bolý erejelerin buzǵany úshin ákimshilik jaýapqa tartyldy. Sheteldikterdiń eńbek qyzmetin zańsyz júzege asyrǵany úshin 53 jumys berýshige aıyppul salyndy.

Sondaı-aq, qyzmetkerler elden shyǵaryp jiberý týraly sot sheshimin oryndamaǵan sheteldikter men azamattyǵy joq tulǵalardy anyqtaıdy jáne elden jiberedi. Jedel aldyn alý sharasy bastalǵaly beri shekaralas memleketterdiń azamattary bolyp tabylatyn 64 zańsyz mıgrant elden májbúrlep shyǵaryldy.

Máselen, bir kúnde polıtseıler Ózbekstannyń eki azamaty men Tájikstannyń bir azamatyn elden májbúrlep shyǵaryp jiberdi. Buǵan deıin zańsyz mıgranttarǵa qatysty QR aýmaǵynan shyǵaryp jiberý týraly sot qaýlysy shyǵarylǵan bolatyn.

Polıtseıler elden shyǵaryp jiberý týraly sot sheshimin oryndamaý qylmystyq jazalanatyn áreket ekenin jáne qylmystyq zańnamaǵa sáıkes jaýapkershilikke ákep soǵatynyn eske salady.