Elordada «Prezıdenttik ınstıtýt: Qazaqstandyq model» atty halyqaralyq konferentsııa ótýde
«Jyl saıyn Prezıdent kúni qarsańynda ótip kele jatqan bul konferentsııa búginde Táýelsiz Qazaqstan týraly halyqaralyq deńgeıde dıalog quratyn erekshe forýmǵa aınaldy. Osy baǵytta bıylǵy konferentsııanyń mańyzy da zor, orny da erekshe. Sebebi aldaǵy jyly bizdiń elimizde prezıdenttik basqarý ınstıtýtynyń qurylǵanyna týra 30 jyl tolady. Bul bizdiń egemen elimiz úshin aıtýly beles jáne tarıhı kezeń. Osy 30 jylda barlyq reformalar joǵary deńgeıde oryndalyp, bizdiń Qazaqstanymyz az ýaqyttyń ishinde saıası, ekonomıkalyq jáne áleýmettik tabysty elge aınaldy. Bul Táýelsiz Qazaqstannyń negizin qalaýshy, Tuńǵysh Prezıdentimiz - Elbasy Nursultan Nazarbaevtyń kóregen saıasatynyń, batyl qadamynyń jáne birligi jarasqan halqymyzdyń eren eńbeginiń jemisi ekendigi sózsiz», - dedi kontserentsııa jumysyn ashqan Májilis Tóraǵasy Nurlan Nyǵmatýlın.
Sonymen qatar ol búginde Elbasynyń bastamalaryn Memleket basshysy Qasym-Jomart Toqaev jalǵastyryp, elimizdiń strategııalyq josparlaryn ári qaraı júzege asyryp kele jatqanyn aıtty.
«Sondyqtan búgingi konferentsııada qalyptasqan Qazaqstannyń damý jolynyń erekshelikteri jan-jaqty talqylanyp, usynys-pikirler aıtylatyn bolady. Osy konferentsııa jumysyna sáttilik jáne tabys tileımin», - dedi Májilis tóraǵasy.
Aıta keteıik, konferentsııa jumysyna QR Parlamenti Senaty men Májilisiniń depýtattary, Ázerbaıjan, Bolgarııa, Túrkııa, Tatarstan, Qyrǵyzstan, Mońǵolııa, Serbııa, Frantsııa parlamentarııleriniń ókilderi qatysýda.
