Elordada «Prezıdent N.Nazarbaevtyń birinshi jaýyngerleri» atty respýblıkalyq patrıottar forýmy ótti

«Qazirgi ýaqytta jastarǵa potrıottyq baǵytta tálim-tárbıe beretin azamattar qajet. Bul iske aýǵan-tájik shekarasyndaǵy qaqtyǵystarǵa qatysqan azamattardyń qosar úlesi mol dep oılaımyn. El bolǵannan keıin patrıottyq tárbıe qajet. Jalpy, aǵymdaǵy jylǵy ótkizilip jatqan patrıottyq sharalardyń biri Qazaq handyǵynyń 550 jyldyq mereıtoıyn toılaý ekendigi sózsiz. Qazaqtyń alǵashqy 14 hanynyń 7-eýi elin, jerin qorǵaý jolynda, qan maıdanda mert bolǵan edi», - dedi forýmdy ashqan QR Ardagerler keńesiniń tóraǵasy Ómirzaq Ozǵanbaev.

Sonymen qatar ol Otandy qorǵaý árbir azamattyń boryshy ekendigin basa aıtyp, búgingi óskeleń urpaqqa áskerı-patrıottyq baǵytta tárbıe berý erekshe mánge ıe ekendigin atap ótti.

Shara barysynda «Tájik-aýǵan shekarasyndaǵy jaýyngerlik is-qımyldar men áskerı qaqtyǵystarǵa qatysýshylardyń ardagerler odaǵy» respýbılkalyq qoǵamdyq birlestiginiń «Ardagerler qozǵalysyn nasıhattaýǵa qosqan úlesi úshin» medalimen tyl ardageri Toqsanbaı Jarekeev, Tájik-aýǵan shekarasyndaǵy qaqtyǵystarǵa qatysýshy, QR Ulttyq gvardııasy Bas basqarmasynyń bastyǵy Saverdın Imırov marapattaldy.