Elordada Prezıdent kýbogynyń shırek fınalyna shyqqan tennısshiler anyqtaldy
NUR-SULTAN. QazAqparat - Elordada Beıbit Jýkaev pen Denıs Evseev Prezıdent kýbogy aıasynda ótip jatqan ATP Challenger týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Aqtaýdan túlep ushqan B.Jýkaev ekinshi aınalymda Izraıl ókili Danıel Tsýkermandy 6:4, 5:7, 7:6 (7:4) esebimen tize búktirdi.
Úshinshi, sheshýshi sette Beıbit taı-breıkte 0:4 esebimen utylyp jatyp, jeńiske degen jigerin tanyta bildi.
B.Jýkaev jartylaı fınalǵa shyǵý úshin álemniń burynǵy 33-raketkasy, ózbekstandyq Denıs Istomınmen talasady.
Almaty tennıs mektebiniń túlegi D.Evseev tartysty matchta jarystyń 6-raketkasy, reseılik Evgenıı Karlovskııdi joldan taıdyrdy - 3:6, 6:2, 6:4.
D.Evseev shırek fınalda brazılııalyq Gabrıel Dekampspen sheberlik baıqasady. Ol qazaqstandyq Mıhaıl Kýkýshkındi utyp ketti.
Áıelder arasynda ITF World Tennis Tour W60 dodasynda Jibek Qulambaeva bastapqy kezdesýin ızraıldyq Shavıt Kımchımen sátti ótkizdi - 6:1, 1:6, 6:3.
Jibektiń kelesi qarsylasy - ońtústikkoreıalyq Na Lı Han.
Eske sala keteıik, budan buryn ıÝlııa Pýtıntsevanyń Palermo týrnırin sátti bastaǵanyn jazǵan bolatynbyz.
