Elordada Potanın kóshesi birneshe kúnge jabylady
ASTANA. QazAqparat - Búginnen bastap 14 tamyzǵa deıin Potanın kóshesinde Zataevıch kóshesinen Moldaǵulova kóshesine deıingi aralyqta kólik qozǵalysy toqtatyldy.
Bul týraly Jolaýshylar kóligi jáne avtomobıl joldary basqarmasy habarlady, dep jazady elorda ákimdiginiń resmı saıtynda. Bul shara sebebi - joldyń betki qabatynyń aýystyrýǵa baılanysty ortasha jóndeý jumystaryn júrgizý bolyp tabylady. Barlyq jóndeý jumystary aıaqtalysymen atalǵan kóshede qozǵalys qaıta qalpyna keltiriledi. Basqarma qyzmetkerleri kólik júrgizýshilerinen atalmysh ýchaskedegi óz baǵdarlaryn aldyn-ala josparlap alýlaryn suraıdy.
