Elordada polıtsııa qyzmetkeri kóz jumdy

ASTANA. KAZINFORM – Astanalyq polıtseı jattyǵý zalynan shyqqannan keıin esinen tanyp, sol jerde qaıtys boldy. Bul aqparatty qalalyq polıtsııa departamentiniń baspasóz qyzmeti rastady.

- Qyzmetkerdiń qaza bolý faktisi boıynsha sotqa deıingi tergeý bastaldy. Aldyn ala aqparat boıynsha ol jattyǵý zalynan shyqqan soń esinen tanyp qalǵan. Jedel járdem brıgadasy dereý reanımatsııalyq shara qabyldady, biraq adamdy qutqarý múmkin bolmady, - delingen habarlamada. 

Polıtsııa departamentiniń málimetine súıensek, medıtsınalyq qorytyndyǵa sáıkes, ólimniń sebebi - mıokard ınfarktisi. 

Óz kezeginde Іshki ister mınıstri Erjan Sadenov áleýmettik jelidegi jeke paraqshasynda tártip saqshysynyń otbasyna kóńil aıtty.

- Mezgilsiz dúnıeden ótken Astana qalasy polıtsııa departamentiniń arnaıy jedel áreket etý otrıadynyń aǵa ınspektory, polıtsııa maıory Qasymhan Meldebekovtiń otbasyna jáne jaqyndaryna kóńil aıtamyn. Ol óz qyzmetine adal ofıtser, elim degen er boldy. Onyń memleket aldyndaǵy qyzmetine baǵa jetpes. Іshki ister mınıstrligi onyń otbasyna barlyq qajetti qoldaýdy kórsetedi, - degen jazba qaldyrdy mınıstr.

Posmotret etý pýblıkatsııý v Instagram

Pýblıkatsııa ot Sadenov Erjan Saparbekovıch (@sadenov_online)

Aıta ketsek, jaqynda elordada adamnyń múrdesi tabylǵan edi.  Jelide taraǵan aqparatqa súıensek, elorda turǵyny Manhetten-3 turǵyn úı kesheninen qulaǵan.

Eske sala ketsek, byltyr kúzde elordada jasóspirimniń múrdesi tabylǵan edi. Keıin belgili bolǵandaı, jasóspirim mektep oqýshysy bolyp shyqty.