Elordada «Polıetılendi paketten bas tart!» ekologııalyq naýqany ótip jatyr
ASTANA. QazAqparat - Astana bıligi qala turǵyndaryn polıetılen paketten bas tartýǵa shaqyrdy, dep habarlaıdy elorda ákimdiginiń medıa ortalyǵy .
Astana qalasy ákiminiń tapsyrmasyna sáıkes, elordalyq Tabıǵı resýrstar jáne tabıǵat paıdalanýdy retteý basqarmasy «Polıetılendi paketten bas tart!» ekologııalyq naýqanyn ótkizýde. Naýqan barysynda uıymdastyrýshylar polıetılendi paketterdiń zııandy áserý týraly halyq arasynda keńeıtilgen nasıhatty ótkizip, úndeý paraqtaryn taratý maqsatynda eriktilerdi tartyp jáne saýda jelilerdiń kassalarynda ekopaketterdi júzege asyrdy.
Mamandardyń aıtýynsha, orta eseppen polıetılendi paketter 20 mınýt paıdalynylady, bul rette olardyń ydyraý ýaqyty 100 jyldan 500 jylǵa deıin merzimdi qamtıdy. Qazirgi kúnge, 40 jýyq shet elderde (Eýropalyq odaq elderi, Aýstralııa, Sıngapýr, Bangladesh jáne t.b) polıetılendi paketterdiń aınalymyn tómendetip nemese qoldanýǵa tyım salǵan.
«Osy máseleniń sheshimi eko-paketterdi (qaǵaz paketter, bıoydyraǵysh paketter, matadan jasalǵan birneshe rettik sómkeler) qoldaný bolyp tabylady... Buǵan qosa 2018 jyly QR Energetıka mınıstrligimen polıetılendi paketterdi tegin júzege asyrýǵa tyıym salý boıynsha elimizdiń qoldanystaǵy zańnamasyna ózgertýler engiziledi», - delingen naýqannyń uıymdastyrýshylary taratqan habarlamada.
