Elordada polıtsııa túnde ata-anasyz júrgen 44 balany anyqtaǵan
NUR-SULTAN. QazAqparat – Elordanyń tártip saqshylary keı balalar túnde úıinde bolmaı, syrtta qydyryp júretinine alańdaýshylyq bildirip otyr. Osyǵan baılanysty qalalyq Polıtsııa departamenti ata-analarǵa eskertý jasady, dep habarlaıdy QazAqparat tilshisi vedomstvonyń baspasóz qyzmetine silteme jasap.
Qazirgi ýaqytta jasóspirimder isteri jónindegi polıtsııa qyzmetkerleri qala ishinde reıd júrgizip jatyr. Taıaý kúnderi júrgizilgen reıd barysynda polıtsııa qyzmetkerleri túnde ata-anasyz júrgen 44 balany anyqtaǵan. Barlyq fakt boıynsha quqyq qorǵaýshylar Ákimshilik kodekstiń 442-baby boıynsha hattama toltyrdy.
«Odan bólek jasóspirimder isteri jónindegi ınspektorlar esepte turǵan ata-analardyń úıin aralap shyqty. Turǵylyqty úıi boıynsha 64 otbasy tekserilip, polıtsııa qyzmetkerleri bala aldyndaǵy mindettemesin oryndamaǵan ata-analarǵa Ákimshilik kodekstiń 127-baby qoldanylatynyn eskertti. Túsindirý jumysyn júrgizdi», - delingen habarlamada.
Polıtsııa departamenti ata-analarǵa saǵat túngi onnan keıin balalar qaraýsyz júrmeýi kerektigin eskertedi. Eskertýdi elemegen ata-analar ákimshilik jazaǵa tartylady.
