Elordada polıtsııa kúni atalyp ótildi - FOTO
ASTANA. QazAqparat - Búgin Astana qalasynyń Іshki ister departamenti «Stýdenttik» parkinde Qazaqstan polıtsııasy kúnine arnalǵan is-shara ótkizdi, dep habarlaıdy Astana qalasy ІІD-niń baspasóz qyzmeti.
Onda elorda turǵyndary men qonaqtary, sondaı-aq, polıtsııa jeke quramy men olardyń otbasy músheleri shaqyryldy.
Qazaqstan polıtsııasy kúni qazaqstan polıtsııasyn qurǵan jáne sol polıtsııa qatarynda aıanbaı qyzmet etip júrgenderge alǵys bildirý kúni bolyp sanalady. Polıtsııada qyzmet atqarý - ádiletsizdikpen sheksiz kúresý jolynda, óz kásibine qajettilikti sezinetin adamdardyń ǵana qolynan keletin kúrdeli, sonymen qatar, qaýipti eńbek jáne ol mol yqtııarlyqty talap etedi.
Qazaqstan polıtsııasy kúnin merekeleý Patrýldik polıtsııa polki erler horynyń 10-jyldyǵymen tuspa-tus kelip otyr. Hordyń quramynda kásibı mýzykanttar men ánshiler ortasynda tanymal bolyp júrgen polıtseıler bar. Hordyń jetekshisi - Respýblıkalyq konkýrstardyń jeńimpazy, Qazaq Ulttyq Óner Ýnıversıtetiniń kontsertmeısteri Ǵalııa Sadymova. Hordyń oryndaýynda «Nur Astana», «Polıtsııa Marshy», «Sarbaz paryzy» atty ánder shyrqaldy. Osy sharaǵa ár túrli konkýrstardyń jeńimpazy, talantty ujym - Astana qalasy ІІD-niń «Jiger» folklorlyq ansambli de óz úlesin qosty. Sonymen qatar, Baýyrjan Isaev, Merýert Túsipbekova, Marjan Arapbaeva sııaqty qazaqstan estrada juldyzdary polıtseılerdi quttyqtap, án shyrqady. Astanalyq fılarmonııa men astana tsırkiniń ártisteri de óz ónerlerin ortaǵa saldy.
Merekeleý baǵdarlamasynda elorda aýmaǵynda jedel ahýaldy belsendirýge at salysyp júrgen, «Arlan» arnaıy maqsattaǵy bólinisi sarbazdary kórinis qoıdy. Sonymen qatar, qarý-jaraq, arnaıy ekıpırovka jáne tehnıkany jasaqtaý, sondaı-aq, «Robınson - R-44» tikushaǵynyń kórinisi ótti.
Merekelik baǵdarlamada qyzmettik-izdestirý ıtterimen birlesip, Kınologııalyq qyzmet ortalyǵy kınologtary kórinister qoıdy. Búginde, kınologııalyq qyzmet ortalyǵynda nemis, shyǵys-eýropalyq, qasqyr tuqymdas, kásibı daıyndalǵan qyzmettik ıtteri bar ınspektor-kınologtardyń kásibı uyjymy jumys isteýde. Qyzmettik-izdestirý ıtteriniń qatysýymen ár túrli sıpattaǵy qylmystyń kóp sany ashyldy.
Merekeleý aıasynda sporttyq is-sharalar da ótti: gır kóterý, qoıan-qoltyq urys, darts týrnıri, dopty qaǵý, shahmattan ótetin blıts-týrnır. Júldeli oryn alǵan jeńimpazdar baǵaly syılyqtarmen marapattaldy. Balalar saýyǵy úshin de alyp oıyn alańy jabdyqtaldy. Batýttar, at ústinde serýendeý, Astana qalasy Qýyrshaq teatry anımatorlarynyń jáne elorda tsırki saıqymazaqtarynyń qatysýymen qoıylǵan túrli saıystar balalardy qyzyqqa bóledi.
