Elordada polıtseıler ózine qol salmaq bolǵan áıeldi aman alyp qaldy
NUR-SULTAN. QazAqparat – Oqıǵa 25 cáýir kúni elordanyń Imanbaev kóshesinde bolǵan. Qala kósheleri men aýlalaryn patrýldeý kezinde polıtsııa qyzmetkerleri besinshi qabattyń terezesinen aıqaılap, sekirmek bolǵan áıeldi baıqap qalǵan.
Bul týraly Nur-Sultan qalalyq polıtsııa departamentiniń baspasóz qyzmetinen habarlady.
Páterdiń qaı jerde ornalasqanyn tez anyqtaǵan tártip saqshylary kómekke asyqty. Páterde bolǵan áıel polıtseılerdi ózine pyshaq suǵyp alamyn dep qorqytqan.
Polıtseıler áıelden pyshaqty alyp qoıyp, jaǵdaıyn eskerip, oqıǵa ornyna jedel járdem brıgadasyn shaqyrtty. Dárigerler 36 jastaǵy áıeldi qarap shyǵyp, odan ári tekserý úshin psıhıkalyq densaýlyq medıtsınalyq ortalyǵyna jetkizildi.
