Elordada polıtseıler «Qaýipsiz oram» sharasyn ótkizýde
NUR-SULTAN. QazAqparat – Elordada quqyqtyq tártipti saqtaý, otbasylyq-turmystyq qatynastar salasyndaǵy jáne mas kúıinde bolatyn quqyq buzýshylyqtardyń aldyn-alý maqsatynda «Qaýipsiz oram» sharasy ótkizilýde, dep habarlaıdy QazAqparat qalalyq PD baspasóz qyzmetine silteme jasap.
Shara barysynda ýchaskelik ınspektorlar 5 myńǵa jýyq turǵyn úı alabyn onyń ishinde: kópqabatty úılerdegi 3 myńnan astam páterdi, 414 jer úıdi aralap shyqty. Ýchaskelik polıtsııa ınspektorlarynyń vızıt kartalary turǵyndarǵa taratyldy.
Úılerdi aralaý barysynda 100-den astam kásipkerlik sýbektisine bóten adamnyń múlkin urlaýdyń aldyn alý boıynsha 800 jadnama taratyldy. Belgili turǵylyqty jeri joq 22 adam ustaldy. Onyń 5-eýi qabyldaýshy-bólýshi bólimge jetkizildi. 20 jasóspirim ustaldy. Onyń 14-i zańdy ókilderiniń erip júrýinsiz turǵyn úıden tys jerde jáne oıyn-saýyq oryndarynda bolǵany úshin, 6-y qoǵamdyq tártipti buzǵany úshin ustalǵan. 100 azamattyq qarý ıeleri tekserildi.
Úılerdi aralaý nátıjesinde 800-den astam ákimshilik quqyq buzýshylyq anyqtaldy. Jedel aldyn alý sharasy barysynda 100-ge jýyq azamat ishimdik ishkeni, mas kúıinde qoǵamdyq oryndarǵa shyqqany úshin ustaldy, 87 adam qoǵamdyq oryndardy lastaǵan.
Sonymen qatar, eki kún ishinde polıtsııa qorǵaý nusqamasyn buzǵany úshin 5 janjalqoıdy jáne otbasylyq-turmystyq qatynastar salasyndaǵy zańsyz áreketteri úshin 8 adamdy jaýapkershilikke tartty.
