Elordada polıtseıge para bermek bolǵan Qyrǵyzstan azamaty ustaldy
NUR-SULTAN. QazAqparat – Elorda Polıtsııa departamentiniń qyzmetkerleri tótenshe jaǵdaı kezeńinde qala joldary men kóshelerinde túrli quqyqbuzýshylyq faktilerin anyqtaýda, dep habarlaıdy QazAqparat.
7 naýryzdaǵy kezekshilik kezinde polıtseılerge para berýge talpynǵan Qyrǵyzstan azamaty ustaldy. Qala kóshelerin sholǵyndaý kezinde tirtip saqshylary «Honda» markaly avtokólikti toqtatqan. Júrgizýshiniń qolynda kólik quralynyń qujattary bolmaǵan. Jaýapkershilikten jaltarý maqsatynda ol 2 myń teńge somasyndaǵy parany polıtseılerge usynǵan.
«Júrgizýshiniń osy áreketi quqyqqa qaıshy ekeni týraly eskertý jasalǵanyna qaramastan, ol aqshany qyzmettik kóliktiń ishinde qaldyrǵan. Polıtseı para berý faktisi jaıynda departamenttiń ózindik qaýipsizdik basqarmasyna habarlaǵan. Oryn alǵan bul oqıǵa polıtseılerdiń vıdeony tirkeý qurylǵysynda jazyldy», - delingen Polıtsııa departamentiniń málimetinde.
Atalǵan fakti boıynsha tekserý júrip jatyr. Sonymen qatar, tıisti qujatsyz kólik júrgizgeni úshin atalǵan er azamatqa ákimshilik hattama toltyryldy. Al onyń avtokóligi arnaıy avtoturaqqa qoıyldy.
