Elordada pnevmonııa, JRVI dıagnozy bar patsıentterge 2 medıtsınalyq mekeme daıyndaldy
NUR-SULTAN. QazAqparat – Elordada pnevmonııa jáne jedel respıratorly vırýstyq ınfektsııa (JRVI) dıagnozy bar patsıentter 2 medıtsınalyq mekemege ǵana jetkiziledi, dep habarlaıdy QazAqparat.
Olar – Ortalyq jol aýrýhanasy jáne №2 qalalyq emhana.
Á.Moldaǵulova kóshesinde ornalasqan Ortalyq jol aýrýhanasynyń terapııa korpýsyna pnevmonııasy bar patsıentter ǵana jetkiziletin bolady. Blokta oqshaýlanǵan qabyldaý-dıagnostıkalyq bólimshe uıymdastyrylǵan. Patsıentter koronavırýsqa da tekseriledi.
Al JRVI belgileri bar naýqastardy tek №2 qalalyq emhana (Jeltoqsan kóshesi, 36) qabyldaıdy. Emhanada emdelýshilerge koronavırýs ınfektsııasyna zerthanalyq-dıagnostıkalyq zertteýler júrgiziledi.
Sondaı-aq, úsh kópbeıindi aýrýhanalardyń akýsherlik bloktarynda barlyq qajetti medıtsınalyq jabdyqtarmen jabdyqtalǵan, júkti áıelderdi qabyldaý úshin jeke kiretin esigi bar perzenthanalar uıymdastyryldy. Osy sharalardyń barlyǵy ýaqytyly medıtsınalyq kómek kórsetýge jáne ınfektsııanyń taralýyn azaıtýǵa baǵyttalǵan.
