Elordada pnevmokokk ınfektsııasyna qarsy jappaı vaktsına egý tájirıbesin engizý máselesi talqylandy
ASTANA. Jeltoqsannyń 10-y. QazAqparat /Jasulan Amanbaıuly/ - Búgin Astanadaǵy Ulttyq ana men bala ortalyǵynda Densaýlyq saqtaý vıtse-mınıstri Tamara Voşenkovanyń tóraǵalyǵymen Qazaqstanda pnevmokokk ınfektsııasyna qarsy egilý, ımmýnızatsııa tájirıbesin engizý máselelerine arnalǵan otyrys ótti,
dep habarlaıdy QazAqparat.
Onyń jumysyna Ulttyq medıtsınalyq holdıng qyzmetkerleri, Reseıdiń pedıatr mamany Andreı Fedorov jáne dárigerler qatysty.
Pnevmokokk ınfektsııasynan oryn alatyn adam ólimi JQTB, bezgek jáne túberkýlez dertterin qosa alǵandaǵy ólim-jitimnen asyp túsedi. Dúnıejúzilik densaýlyq saqtaý uıymynyń málimetteri boıynsha jylyna álemde 1,6 mln. adam atalǵan dertten kóz jumady. Qazaqstanda 29 myń 500 adam shaldyǵady, al Reseıde -1 mln. 250 myń adam. «Eń aýyry, pnevmokokk ınfektsııasy 1,5-2 jasqa deıingi nárestelerde kezdesedi jáne kóp jaǵdaıda adam shyǵynyna ákep soqtyrady. Sebebi, pnevmokokty dıagnostıkalyq anyqtaý múmkindigi óte az. Al onyń qaı túri ekendigin ajyratý tipti qıyn. Qazirgi ýaqytta álemde balalarǵa ımmýnızatsııany 40-tan astam el júrgizedi», dedi Pedıatrııa jáne balalar hırýrgııasy ortalyǵynyń dırektory Ermek Aıazbekov.
Pnevmokokk ınfektsııasy - pnevmokokk bakterııasy qozdyrǵyshynan týatyn aýrýlar tobyn quraıdy. Bular - pnevmonııa, ótkir orta otıt, irińdi menıngıt, plevrıt, artrıt jáne qulaqtyń isýi.
Andreı Fedorovtyń aıtýynsha, vaktsına jasalǵan memleketterde pnevmokokk aýrýlary 80-90 paıyzǵa azaıǵan. «Vaktsına jasaý aýrýdyń aldyn alyp, ınfektsııanyń birneshe dertterden saqtanýǵa jol ashady. Máselen, pnevmonııa sepsıs jáne pnevmonııa jıiligin tómendetedi, pnevmokokk bakterııalarynyń taralýy toqtatylady. Qazir Reseı jerinde osyndaı vaktsınalardyń eki túri qoldanylady. Olar - pnevmo 23 jáne prevenar vaktsınalary», deıdi ol.
