Elordada plastık bótelkeden jasalǵan shyrsha ornatyldy
NUR-SULTAN. QazAqparat – Nur-Sultanda plastık bótelkeden shyrsha ornatyldy, dep habarlaıdy QazAqparat.
Ekologııa, geologııa jáne tabıǵı resýrstar mınıstrliginiń jańa jylda tabıǵı shyrshalardan bas tartý jónindegi bastamasy boıynsha «Eko-shyrsha» chellendji bastaldy. Halyqaralyq «jasyl» tehnologııalar ortalyǵynda qtken sharaǵa Ekologııa vıtse-mınıstri Ahmetjan Pirimqulov, HJTO jáne Óndirýshilerdiń keńeıtilgen mindettemeleri (ÓKM) Operatory» JShS basshysynyń qatysty.
Shara aıasynda plastıkalyq bótelkeden shyrsha jasaldy. Jasandy shyrshanny jasaýǵa 250-ge jýyq plastık quty qoldanyldy. Eko-shyrshanyń bıiktigi 2 metrden asady. Osylaısha eko-shyrsha avtory qorshaǵan ortany qorǵaý maqsatynda tabıǵı shyrshadan bas tartyp, jasandy shyrshalardy paıdalanýdy dástúrge aınaldyrýdy kózdep otyr.
«Shyrsha balalar jasaǵan oıynshyqtarmen bezendirildi. Mınıstrliktiń bastamasyn ÓKM operatory men mektep oqýshylary qoldap, plastıkten shyrsha jáne oǵan oıynshyqtar daıyndaǵany kóńil qýantady», – dedi ekologııa, geologııa jáne tabıǵı resýrstar vıtse-mınıstri Ahmetjan Pirimqulov.
Mınıstrliktiń ekologııalyq ıgi bastamasyn Aqtóbe oblysyndaǵy qaldyq shyǵaratyn «Neo-plıýs» kompanııasy qoldaýǵa daıyn ekendigin bildirdi.
Kásiporyn qazir 3 metrlik plastık shyrshanyń qańqasyn ázirlep jatyr. Odan «ári estafeta Qaraǵandy, Kókshetaý, Shymkent, Óskemen jáne Almaty qalalaryndaǵy mamandandyrylǵan kásiporyndarǵa joldanatyn bolady.
Sonymen qatar ekologııalyq taqyryptaǵy jańa jyldyq bezendirýler Nur-Sultan qalasy men Qaraǵandy oblysynyń mektepterinde de jalǵasyn tabady», delingen habarlamada.
«Eko-shyrsha» jańa jyldyq chellendjin uıymdastyrýshylardyń basty maqsaty – tabıǵı shyrshany otaýdan saqtaý. Jáne osy bastamaǵa qazaqstandyqtardy shaqyrý.
Jańa jyldan keıin jasandy shyrsha shıkizat retinde qaıta óńdeýge jiberiledi.
