Elordada «Pırotehnıka -2023» jedel-profılaktıkalyq is-sharasy ótip jatyr
Elordada jańa jyl qarsańynda turǵyndardyń qaýipsizdigin qamtamasyz etý maqsatynda perotehnıkalyq buıymdardy qoldaný tártibin túsindirý jumystary júrgizilip jatyr, dep habarlaıdy Kazinform.
20 jeltoqsannan bastap elordada «Qaýipsiz jańa jyl» aktsııasy bastaldy. Aktsııanyń maqsaty – merekelik jańa jyldyq is-sharalardy uıymdastyrý jáne ótkizý kezinde erejeler men talaptardyń saqtalýyna qoǵamnyń nazaryn aýdarý. Sondaı-aq merekelik is-sharalardy ótkizý oryndarynyń qaýipsizdigin qamtamasyz etip, órttiń aldyn alý.
«Búgin polıtsııa departamenti jáne ákimdik ókilderimen birlesip, pıroteheıkalyq buıymdardy qoldaný jáne saqtaý obektilerin tekserý boıynsha «Pırotehnıka -2023» jedel-profılaktıkalyq is-sharasy ótip jatyr», - dedi Astana qalasy TJD memlekettik órt baqylaý basqarmasynyń bastyǵy Madııar Myrzageldıev Astana qalalyq kommýnıkatsııalar qyzmeti alańynda ótken baspasóz máslıhatynda.
Pırotehnıka qoldaný erejesiniń saqtalmaýy adam densaýlyǵyna eleýli zııan keltirýi ábden múmkin ekeni eskertildi.
