Elordada PIK qyzmetkerleri úshin «Kóppáterli úılerdi tıimdi basqarý jáne paıdalaný» taqyrybynda eki kúndik semınar ótedi
ASTANA. Sáýirdiń 14-i. QazAqparat - Erteń, sáýirdiń 15-inde Qurylys jáne turǵyn úı kommýnaldyq sharýashylyq isteri agenttigi janyndaǵy «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-y «Turan-Profı» biliktilikti arttyrý ınstıtýty jáne «Astana-Jylýtranzıt» AQ-ymen birlese otyryp, Astana qalasyndaǵy PIK basshylary men qyzmetkerleri úshin «Kóppáterli úılerdi tıimdi basqarý jáne paıdalaný» taqyrybynda eki kúndik semınar ótkizedi.
Semınar aıasynda tyńdaýshylar úshin «PIK qyzmetiniń problemaly alańyndaǵy uıymdastyrý dıagnostıkasy» taqyrybynda trenıng ótkiziledi. Onda PIK qyzmetteri barysynda týyndaıtyn mindetter men sheshimder qarastyrylyp, sátti ótken tájirıbeler ortaǵa salynbaq.
Dóńgelek ústel jumysyna joǵaryda atalǵan mekemelerdiń basshylary men mamandary, sondaı-aq qyzyǵýshylyq tanytqan taraptar qatysady.
