Elordada PIK qyzmetkerleri úshin «Kóppáterli úılerdi tıimdi basqarý jáne paıdalaný» taqyrybynda eki kúndik semınar bastaldy

Atalǵan sharany Qurylys jáne turǵyn úı kommýnaldyq sharýashylyq isteri agenttigi janyndaǵy «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-y «Turan-Profı» biliktilikti arttyrý ınstıtýty jáne «Astana-Jylýtranzıt» AQ-ymen birlese otyryp, ótkizýde.

Oǵan qatysýshylardyń nazaryna turǵyn úı kommýnaldyq salasyn reformalaýǵa qatysty halyqaralyq tájirıbeler boıynsha habarlandyrýlar men tusaýkeserler, osy salaǵa energııa únemdeıtin tehnologııalar men ınnovatsııalar engizý máseleri, sondaı-aq esepteý qurylǵylaryn ornatý múmkindikteri usynyldy.

Semınar aıasynda tyńdaýshylar úshin «PIK qyzmetiniń problemaly alańyndaǵy uıymdastyrý dıagnostıkasy» taqyrybynda trenıng ótkizilýde. Onda PIK qyzmetteri barysynda týyndaıtyn mindetter men sheshimder qarastyrylyp, sátti ótken tájirıbeler ortaǵa salynýda.

Dóńgelek ústel jumysyna joǵaryda atalǵan mekemelerdiń basshylary men mamandary, sondaı-aq qyzyǵýshylyq tanytqan taraptar qatysyp jatyr.