Elordada Pfizer vaktsınasyn qandaı meduıymdarda alýǵa bolady

NUR-SULTAN. QazAqparat - 15 qarashadan bastap elordada Pfizer vaktsınasyn egý bastalady, dep habarlaıdy QazAqparat tilshisi.

Nur-Sultan qalalyq densaýlyq saqtaý basqarmasynyń málimetinshe, tıisti kontıngentke ekpe elordanyń medıtsınalyq uıymdarynda jáne balalarǵa bilim berý mekemelerinde salynady. Alaıda, qalanyń barlyq medıtsınalyq uıymy júkti áıelderdi, bala emizetin analardy, laktatsııa kezeńindegi áıelder men balalardy vaktsınalaý naýqanyna qatyspaıdy.

Pfizer vaktsınasy salynatyn medıtsınalyq uıymdar mynalar:

- qalalyq №1, 2, 3, 4, 5, 6, 7, 8, 9, 10, 11, 12, 13, 14, 15 emhanalary

- «Dostyq» otbasylyq densaýlyq ortalyǵy;

- «Januıa», «Salaýatty Astana», «Shıpager», «Kırovskaıa» JShS (barlyq fılıaldary).

Atalǵan uıymdarǵa tıisti kontıngentti vaktsınatsııalaý úshin Pfizer vaktsınasynyń dozalary bólingen.