Elordada paıdalanylmaıtyn jerler zań boıynsha alynady
ASTANA. QazAqparat - Jerdi tıimdi paıdalaný máselesi árbir memlekette basty máselelerdiń biri bolyp tabylady. Astana qalasynyń Jer qatynastary basqarmasynda paıdalanylmaıtyn nemese zańǵa qaıshy paıdalanylatyn jerlerdi anyqtaý jáne olardy qaıtarý boıynsha arnaıy jumys toby quryldy.
QR Jer kodeksiniń 82-babynda jáne QR Azamattyq kodeksiniń 242-babynda qarastyrylǵan normalarǵa sáıkes, aǵymdaǵy kezeńde jalpy aýdany 0,3187 ga jer ýchaskesi arnaıy esepke alyndy.
Qoldanystaǵy zańnama normalary men talaptaryna sáıkes, ıesiz múlik retinde arnaıy esepke alynǵan barlyq ýchaskeler boıynsha zańmen qarastyrylǵan merzim ótken soń (esepke qoıylǵannan keıin 1 jyl) Basqarma belgilengen tártipte jerlerdi memleketke qaıtarý boıynsha sotqa talap aryz beretin bolady.
Aıta keteıik, 2010 jyldan 2014 jylǵy 30 maýsymǵa deıingi kezeńde júrgizilip jatqan josparly jumystar nátıjesinde jáne Basqarmanyń talap aryzdary boıynsha, sondaı-aq sottardyń tıisti sheshimderiniń negizinde jalpy, 7,0 myń ga quraıtyn paıdalanylmaıtyn nemese zańnamaǵa qaıshy paıdalanylatyn jerler memleketke qaıtaryldy, dep jazady astana.gov.kz.
