Elordada paıdalanýǵa berilgen turǵyn úılerdiń jalpy aýdany 24,5% ulǵaıdy
ASTANA. QazAqparat - Ústimizdegi jyldyń segiz aıynda barlyq qarjylandyrý kózderiniń esebinen 13373 páterlik turǵyn úıler paıdalanýǵa berildi, olardyń jalpy aýdany 1491371 sharshy metrdi qurady.
Bul 2015 jylǵy qańtar-tamyzdaǵy deńgeıden 24,5%-ǵa joǵary.
Astana qalasynyń statıstıka departamentiniń habarlaýynsha, jeke salýshylarmen jalpy aýdany 120064 sharshy metr turǵyn úıler salynǵan, bul 2015 jylǵy qańtar-tamyzǵa qaraǵanda 3,9 ese kóp. Turǵyn úılerdi paıdalanýǵa berýdiń jalpy kóleminde jeke turǵyn úı qurylysynyń úlesi 8,1%-dy qurady, al bul kórsetkish 2015 jylǵy qańtar-tamyzda 2,6% bolatyn.
2016 jylǵy qańtar-tamyzda turǵyn úı qurylysyna baǵyttalǵan ınvestıtsııalar kólemi 91374,9 mln teńgege jetti, 2015 jylǵy qańtar-tamyzda - 107,3%. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajattar úlesi 19,8%-dy qurady, dep jazady astana.kz.
