Elordada Pavlodar týraly fotojylnama kórmesi ashyldy

Kórmede 20 ǵasyrdyń basyndaǵy zattardyń tupnusqasy, ótken ǵasyrda paıdalanǵan fotoapparattar, sondaı-aq sol kezeńnen syr shertetin fotosýretter kópshilik nazaryna usynylyp otyr. Sýretterdiń basty keıipkeri  - qarapaıym halyq jáne olardyń turmys tirshiligi.

«D. Bagaevtyń bizdiń óńirdegi aýyldardy jáne qala ómirin túsirgen sýretteri,  Uly Otan soǵysy kezinde qarapaıym halyq ómiriniń tarıhı sátteri estelik bolyp, búginge deıin jetti. Osy oraıda Pavlodar tarıhyn zerttep, jas urpaqqa tanystyrýǵa múmkindik bar. Kórmedegi sýretterdiń eń kónesi 1905 jylǵa jatady», - dedi G. N. Potanın atyndaǵy Pavlodar oblystyq tarıhı-ólketaný murajaıynyń dırektory Gúlnár Nurahmetova.

Aıta keteıik, D. Bagaev (1884-1958j) - fotosýretshi, ólketanýshy, Pavlodar ólkesiniń shejireshisi.

«Pavlodar týraly fotojylnama» kórmesi 20 qazanǵa deıin jalǵasatyn bolady.