Elordada Pavlodar oblysynyń aýylsharýashylyq jármeńkesi ótip jatyr
NUR-SULTAN. QazAqparat – Nur-Sultanda Pavlodar oblysynyń aýylsharýashyq jármeńkesi ótip jatyr, dep habarlaıdy QazAqparat Elorda Info saıtyna silteme jasap.
«Jármeńkege 160 mln teńgeni quraıtyn, 510 tonnaǵa jýyq ónim jetkizildi. Onyń ishinde 60-70 tonna et, 200 tonnadan astam jemis-jıdek jáne kókónister. Ákelingen taýarlardyń negizgi bóligi et jáne et ónimderi, sonymen qatar jemis-jıdekter men kókónister. Sebebi astanalyqtardyń arasynda osy ónimderge suranys joǵary. Pavlodar oblysynyń jármeńkesi bıyl úshinshi ret ótkizilip otyr», – dedi Pavlodar oblysy saýda salasyn damytý bóliminiń basshysy Rýslan Ydyrysov.
Onyń aıtýynsha, jármeńkege 90-nan astam pavlodarlyq taýar óndirýshiler qatysyp jatyr.
Óz ónimderin «Jármeńkede «Rýbıkom» JShS, «MolKom» JShS, «Smak» JShS, «KEMMI» JShS, «Sagyp» ShQ, «Galıtskoe» JShS, «Krendel» JShS, «Akjar-Ondırıs» JShS sekildi elimizge tanymal kásiporyndar usynýda.
Aıta ketsek, Pavlodar oblysynyń aýylsharýashylyq jármeńkesi «Han-Shatyr» saýda, oıyn-saýyq ortalyǵynyń alańynda ótip jatyr.
Aıta keteıik, 31 tamyz kúni bastalǵan el óńirleriniń aýylsharýashylyq jármeńkeleri 27 qazanǵa deıin jalǵasady.