Elordada páterden er adamnyń máıiti tabyldy

ASTANA. QazAqparat – Astanada turǵyn úı páterinen er adamnyń múrdesi tabyldy jáne pyshaqtalǵan áıel aýrýhanaǵa jetkizildi, dep habarlaıdy QazAqparat tilshisi qalalyq Polıtsııa departamentiniń baspasóz qyzmetine silteme jasap.

«26 aqpan kúni Astana qalasy Polıtsııa departamentiniń «102» arnasyna páterden er adamnyń denesi tabylǵany jáne pyshaq jaraqatyn alǵan áıeldiń aýrýhanaǵa jetkizilgeni týraly habar kelip tústi», - delingen resmı habarlamada.

Polıtsııa departametiniń aqparatyna sáıkes, atalǵan fakti boıynsha sotqa deıingi tergeý bastaldy. Sonymen qatar qajetti saraptamalar taǵaıyndaldy.

QR Qylmystyq-protsestik kodekstiń 201-babyna sáıkes sotqa deıingi tergep-tekserýge qatysty málimetter jarııa etilmeıdi.