Elordada páterden 55 mln teńge urlaǵan kúdikti Semeıde ustaldy
NUR-SULTAN. QazAqparat – Nur-Sultan qalasynda 55 mln teńge urlaǵan baýkespe Semeı qalasynda ustaldy. Bul týraly QazAqparat qalalyq polıtsııa departamentine silteme jasap habarlaıdy.
«Polıtsııaǵa elorda turǵyny shaǵymdanǵan bolatyn. Ury onyń páterine kilt sáıkestendirý arqyly engen. Ol seıften 55 mln teńgemen qosa altyn buıymdardy da ala ketken. Úı ıesi aqshanyń kóp bóligi páter satýdan túskenin aıtty. Saqshylar buryn da páter tonap sottalǵan Semeı turǵynynyń elordadan qylmys jasap qashqanyn anyqtady. Kúdikti Semeıde ustaldy. Ol jaqynda Nur-Sultanǵa ákelinedi. Osy qylmys boıynsha QR Qylmystyq kodeksiniń 188-baby boıynsha sotqa deıingi tergeý bastaldy», delingen polıtsııa aqparatynda.
