Elordada páter tonaýmen aınalysqan qylmystyq top quryqtaldy

Bul týraly búgin brıfıngte Astana qalalyq ishki ister departamenti memlekettik til jáne aqparat bóliminiń bastyǵy Nurdildá Oraz málim etti.

2011 jylǵy 2 aqpanda Astana qalalyq ІІD UQKB qyzmetkerleri páter tonaýǵa qatysy bar degen kúdikpen uıymdasqan qylmystyq topty anyqtady. Ustalǵan 5 azamatqa J. esimdi Astana turǵynynyń páterin tonap, 28 mln. 908 myń teńge kóleminde shyǵyn keltirdi degen aıyp taǵylyp otyr», - dedi ol.

Onyń aıtýyna qaraǵanda, kúdiktilerdi quryqtaý barysynda júrgizilgen tekseris nátıjesinde qylmyskerlerdiń páter tonaýǵa qatystylyǵyn dáleldeıtin birneshe zattaı dáleldemeler tabylǵan. Qylmystyq toptyń barlyq músheleri qazirgi ýaqytta tergeý ızolıatoryna qamaldy. Sondaı-aq tergeý barysynda bul qylmystyq toptyń elordalyq taǵy bir «B» esimdi azamattyń páterin tonap ketkeni anyqtalǵan.

«Úı ıesi 9 300 000 teńgege baǵalanatyn birneshe qundy múligin qylmyskerlerdiń qoldy qylǵanyn aıtady. Jedel-tergeý sharalaryn júrgizý kezinde kúdiktilerdiń biri páter tonaýǵa qatysty úsh qylmysqa barǵanyn moıyndady. Qazirgi ýaqytta uıymdasqan qylmystyq toptyń buǵan deıin jasalǵan ózge de qylmystarǵa qatystylyǵy tekserilip jatyr», - dedi N.Oraz.