Elordada páter órtenip, 26 adam qutqaryldy
ASTANA. QazAqparat – Astanada páter órtenip, 26 adam qutqaryldy, dep habarlaıdy QazAqparat TJM silteme jasap.
«Órt sóndirý qyzmetine 21 aqpanda saǵat 12-26-da Astanadaǵy Qosshyǵululy kóshesi, 22/1 mekenjaıyndaǵy páterdiń órtenip jatqany týraly aqparat tústi. Qutqarýshylar oqıǵa ornyna kelgende 2-qabattaǵy páterdiń 25 sharshy metr aýmaqty quraıtyn jıhaz ben úı zattary janyp jatqany anyqtaldy. Órtti sóndirý kezinde 26 adam qutqaryldy, onyń ishinde 13 bala bar. Buǵan qosa 125 adam evakýatsııalandy», - delingen habarlamada.
Órtti sóndirýge Astana qalasy TJD jeke quramynyń 18 adamy jáne 4 birlik tehnıkasy jumyldyryldy.
