Elordada pandemııa kezeńiniń barlyq talabyna saı keletin emhana ashylady
NUR-SULTAN. QazAqparat – Elordada pandemııa kezeńiniń barlyq talabyna saı keletin emhana ashylady, dep habarlaıdy QazAqparat tilshisi.
«Bıyl elordada emhana ashylady. Emhana ádettegi fýnktsıonaldyq mindetterine qosa, pandemııa kezeńiniń barlyq talaptaryna sáıkes keledi. Onda aımaqtar «las« jáne «taza« dep bólingen; ishke aıdaý jeldetkish júıesi, telemedıtsınaǵa arnalǵan konferents-zal jáne taǵy basqalary ornatylǵan. Jańǵyrtylǵan emhana Esil aýdanynda ornalasqan. Buǵan deıin aýdanda tek bir - №9 emhana bolatyn. Basqa medıtsınalyq uıymdardyń bolmaýyna baılanysty №9 emhanaǵa júkteme shamadan tys artylyp keldi. Emhana tolyǵymen jeke ınvestıtsııalar esebinen salyndy. Qala turǵyndary úshin memlekettik tapsyrysty oryndaımyz», - dep jazdy elorda ákimi Altaı KólginovInstagram paraqshasynda.
Sonymen qatar elorda ákimi damyp kele jatqan aýdanda ornalasqan jekemenshik balabaqshaǵa barǵanyn atap ótedi.
«Bul balabaqsha da jeke ınvestıtsııa tartý esebinen salyndy. Jeke ınvestıtsııa tartý - nysandardy salý jáne toltyrý kezinde qarajatty únemdeýge múmkindik beredi. Sonymen qatar, Memleket basshysynyń tapsyrmasy boıynsha jeke kapıtaldy basqa da birqatar mańyzdy nysandardyń qurylysyna tartamyz. Bul áleýmettik, ınfraqurylymdyq, óndiristik, logıstıkalyq jáne basqa jobalar. Árbir ınvestorǵa - ákimshilik kedergilerdi alyp tastaı otyryp, erekshe kóńil bólemiz»,- dedi Altaı Kólginov.
