Elordada Ózbekstannan kelgen júrgizýshi jol polıtseıine para bermek boldy
«Qaýipsiz jol» jedel aldyn alý sharasyn ótkizý barysynda polıtseıler jol erejesin buzǵany úshin Ózbekstan azamaty tizgindegen «VAZ 2115» markaly avtokólikti toqtatty.
Ákimshilik jaýapkershilikten qutylýǵa tyrysqan júrgizýshi patrýldik polıtseıge 5 myń teńge usynǵan.
27 jastaǵy júrgizýshi is-áreketiniń zańsyzdyǵyn eskertkenine qaramastan, patrýl kóliginiń salonyna aqshany qaldyrǵan, sodan keıin ustalǵan.
Tártip buzýshynyń zańsyz áreketi polıtseıdiń qyzmettik beınetirkegishine jazylyp qalǵan.
QR QK 367-baby boıynsha sotqa deıingi tergeý bastaldy. Kúdikti óz kinásin tolyq moıyndady.
Nur-Sultan qalasynyń polıtsııa departamenti laýazymdy tulǵaǵa para berý - qylmystyq jaýapkershilikke ákep soǵatynyn, ıaǵnı aıyppul túrinde nemese bes jylǵa deıin bas bostandyǵynan aıyra otyryp, múlkin tárkilep, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrý kózdelgenin eskertedi.
