Elordada ózbekstandyq taýarlar satylady
ASTANA. QazAqparat - «Samǵaý» SÚ-de qala turǵyndary men qonaqtary bir aı boıy Ózbekstannnan ákelingen ár túrli ónimderdi kóterme jáne bólshek saýda baǵalarymen satyp ala alady. Assortımentte tehnıka, matalar, azyq-túlik taýarlary, dep habarlaıdy Astana ákimdiginiń resmı saıty.
Joba Qazaqstan men Ózbekstan elderi basshylarynyń bastamasy boıynsha júzege asyrylyp jatyr. Bul bastamany qazaqstandyq «Nur Group» kompanııasy Ózbekstannyń shaǵyn bıznes pen jeke kásipkerlik sýbektileriniń eksportyn qoldaý qorymen birlesip iske asyrýda.
Yntymaqtastyq jobasy óndirýshilerdiń óz ónimderin usynýy týraly tepe-teń negizdegi uzaq merzimdik qyzmetti qarastyrady. 3 qarashada saǵat 12:00-de elordanyń iri saýda ortalyqtarynyń biri - «Samǵaý» SÚ-de Ózbekstan óndirýshileri fırmalary ókildiginiń resmı ashylýy ótedi. Munda, sondaı-aq sheberlik synyptaryn ótkizýge arnalǵan Samarqand, Buqara, Túrkistan qalalary men basqa da uıymdardyń stendteri usynylmaq.
Osyǵan oraı saýda úıinde Ózbekstan astanasynyń ataýy bar stendter paıda bolsa kerek. Kelýshiler óz qalaýy boıynsha zergerlerdiń, qyshshylar men sýretshilerdiń sheberlik synyptaryna qatysa alady.
