Elordada ótken jyly 255 keli esirtki tárkilendi

ASTANA. QazAqparat – Ótken jyly elorda aýmaǵynda 1 300-den astam esirtki qylmysy tirkeldi. Bul týraly qalalyq polıtsııa departamentiniń asa mańyzdy ister jónindegi aǵa anyqtaýshysy Danııar Narymbıev aıtty, dep habarlaıdy QazAqparat tilshisi.

«Іshki ister organynyń qyzmeti aıasynda esirtki qylmysyna qarsy is-qımyl jáne nashaqorlyqtyń aldyn alý erekshe mańyzdy. Qylmystyń osy túri kámeletke tolmaǵnadar men jastardyń jat áreketterge barýymen de qaýipti. Máselen, ótken jyly elorda aýmaǵynda 1 366 qylmystyq is tirkelip, onyń 337-si sotqa joldansa, 480-i toqtatyldy», - dedi ol elordada ótken brıfıng barysynda.

Onyń dereginshe, 2022 jyly qala aýmaǵynda 1 058 qylmystyq teris qylyq tirkelip, onyń 238-i sotqa joldandy, 449-y toqtatyldy. Munan bólek 308 qylmystyq quqyq buzýshylyq oryn aldy. Olardyń 99-y sotqa jiberilse, 31-i toqtatylyp otyr.

«Barlyǵy 397 adam jaýapqa qatyrtyldy, onyń ishinde kámeletke tolmaǵan 2 jasóspirim men 19 áıel bar. Zańsyz aınalymnan 257 keli 519 gramm ártúrli esirtki zaty, onyń ishinde 104,134 gramm geroın, 98 keli 679 gramm anasha, 124 keli 206 gram gashısh, 34 keli 358 gramm sıntetıkalyq esirtki bar», - dedi Danııar Narymbıev.

Polıtsııa podpolkovıginiń atap ótýinshe, elimizde esirtki zattary negizinen Qytaı, Reseı, jáne Eýropa elderinen jetkiziledi.